Në ditën Ndërkombëtare të Baballarëve të shumtë kanë qenë personazhet që kanë uruar publikisht baballarët e tyre. Me rastin e kësaj feste, familja mbretërore ka zgjedhur të urojë të gjithë baballarët në të gjithë botën me një foto të vogëlushit Archie dhe babait të tij Princ Harryt.
Faqja zyrtare e Harryt dhe Meghan në Instagram ka publikuar një foto të vogëlushit ku shihet qartë ngjashmëria mes tij dhe princit.
“Gëzuar Ditën e Baballarëve! I urojmë një ditë të veçantë Dukës së Sussex-it që e feston për herë të parë”, shkruhej në përshkrim të fotos së adhurueshme ku shihet portreti i plotë i Archiet.
