Ashtu siç kishte lajmëruar prej disa ditësh, Greta ka publikuar sot këngën e saj më të re që vjen në bashkëpunim me këngëtarin e mirënjohur nga Kosova, Ramadan Krasniqin, i njohur si Dani.
Kënga mban titullin "Jeta ime" dhe është shumë ritmike, aq sa do t'ju bëjë të kërceni. Tekstin e kësaj kënge e ka bërë Eni Koçi.
Në videoklip, Greta duket si princeshë me një fustan ngjyrë vjollcë ndërsa në një skenë tjetër shfaqet e veshur me një fustan bojëqielli teksa kërcen me Danin.
Kënga është pëlqyer shumë dhe brenda pak orësh ka marrë mijëra shikime në Youtube.
