Muajin e kaluar u bë e ditur se ish-deputetja Grida Duma është divorcuar nga bashkëshorti i saj, Ilir Shqina pas 22 vitesh martesë, diplomat në ambasadën shqiptare në Slloveni.
E ftuar sot në "E Diell" në rubrikën "Këndi i së vërtetës" përballë Edi Manushit, Grida ka folur edhe për djalin e saj i cili ka hyrë në fazën e adoleshencës. Ish-deputetja tregoi se atij ka filluar t’i pëlqejë palestra dhe se nuk rri tërë kohës me iPad në dorë.
Grida ka filluar ta përjetojë emocionalisht rritjen e tij dhe u shpreh: "Më janë shtuar frikërat që po afrohen vitet që unë do të jem shumë më vetëm pa të".
"Nuk mund të jem shoqja e djalit tim sepse njeriu duhet të dijë distancën, ekuilibrin dhe rolet. Po e humbëm këtë, do të thotë se nuk mund ta guidoj. Unë shpresoj që të kem edhe ca vite që ta guidoj", tha ish-deputetja.
