E ftuar sot në rubrikën "Ka një mesazh për ty" ishte Jolanda, nënë e dy djemve e cila tregoi se në një mënyrë të pa imagjinueshme kishte zbuluar faktin tronditës për bashkëshortin. E dashura e tij serbe i dërgonte fotot nga një shtet tjetër duke i thënë se ajo martesë kishte përfunduar.
"Unë vij nga Lezha, u njoha me një djalë nga Maqedonia, u fejuam, u martuam çdo gjë në rregull. Një jetë shumë të lumtur, linda edhe dy djemtë. Bashkëshorti u njoh përmes rrjeteve sociale me një serbe që jeton në Kroaci dhe i komentonte në çdo foto të tij. Durova disa ditë, bëja sikur nuk dija gjë, por ai u largua, rrinte i mërzitur.
Në shtëpi nuk vinte fare, qëndronte tek hoteli, unë qaja natë e ditë, nuk dija çfarë të bëja. Një natë më merr në telefon dhe më thotë zbrit poshtë dhe më bëj valixhen gati se do iki në Gjermani për punë, se merrej me tregti makinash.
Serbja më dërgon foto që ishin bashkë duke kaluar bukur në një resort në Turqi. Kur i pash fotot ngela pa fjalë, nisa të bërtisja, të qaja, se si më gënjeu. Më pas më mori në telefon, por ai nuk dinte gjë që kisha parë fotot dhe më thotë: “Zemër, çfarë po bën?”
Pasi i tregova vjehrrës dhe të gjithëve, sapo u kthye i thashë ti ke qenë me serben dhe ai e mohoi, duke u betuar për fëmijët. Ajo ishte gjëja më e dhimbshme… ti nuk je më burri im. Kur pa fotot nuk u kthye më në shtëpi. Thoshte që atë e kam për jetë luksi dhe e dua, madje më kalonte edhe atë në telefon disa herë", tregoi Jolanda.
Jolanda kishte thirrur dy djemtë e saj për t'i thënë se do jetë pranë tyre me zemër dhe me shpirt.
"Fëmijët nuk duan të flasin me të atin. Ai tani ka një vajzë me serben, kanë pesë vite pa u takuar, por unë e marr në telefon që mos të shkëputen. Sot dy fëmijët i kam thirrur që t’i them, se unë do jem pranë tyre me zemër dhe shpirt", u shpreh Jolanda.
