Në një intervistë të dhënë pak ditë më parë Ledri Vula rrëfeu për herë të parë se ka dëshirë të bëhet baba.
"Jam shumë i gatshëm të krijoj familje. Si mund mos të jem i gatshëm kur shoh shokët e mi me fëmijë, si pëllumba. Unë luaj me fëmijët e tyre si t'i kem të mitë. Kur i shoh rrethin shoqëror që janë bërë prindër, them edhe unë dua. Ata dalin me fëmijë kurse unë nuk mundem. Kush është bërë prind thotë që ajo ndjenjë ta ndryshon jetën. Dua ta di si është kjo ndjenjë që e keni përjetuar ju", u shpreh Ledri.
Siç duket lajmin e bukur e kanë dëgjuar edhe mikeshat e reperit, Xhemi Shehu dhe Arbana Osmani të cilat nuk kanë ngurruar ta urojnë Ledrin nëpërmjet një videoje.
Ka qenë Arbana ajo që ka publikuar së fundmi një video ku shihet në makinë së bashku me Xhemin teksa dëgjojnë këngën e Ledrit dhe të Gashit “That’s mine”. Në një moment Arbana e pyet Xhemin: “Se kuptoj çfarë halli ke?”
“Të urojmë Ledrin se do të bëhet baba”, i përgjigjet Xhemi teksa Arbana ngre dy gishtat duke e uruar kështu këngëtarin.
