Mbrëmjen e djeshme në emisionin "Xing me Ermalin" ka qenë i ftuar politikani i njohur Eduart Ndocaj, i cili ka folur dhe për deklaratën që ka bërë për kohë më parë për reperin Noizy.
Ai ka reaguar pas një statusi që Noizy bëri ku i kërkonte studentëve që të pranonin dialogun e kryeministrit Rama.
“Noizy i tallavasë me 5-vjeçare u jep mend mbi 10 mijë studentëve që s’kanë lekë për të mbaruar studimet dhe i bashkohet velinës dhe bandës së Edvinit me paturpësinë më të madhe”, shkruante politikani.
Mirëpo, teksa ka folur mbrëmjen e djeshme në emision, Ndocaj ka thënë se Noizy ka marrë leje për një pallat në Durrës prandaj e ka bërë atë postim.
Më pas Ermal Mamaqi ka marrë në telefon Noizyn, i cili ka habitur me përgjigjen e tij.
“Atë postim nuk e kam bërë për asnjë çështje interesi, por për të mbrojtur të rinjtë sepse ata mund të ishin të afërm të mi, janë fansat e mi, mund të isha unë ose motra ime. Nuk është bërë për asnjë çështje politike. As nuk kam lidhje fare. Mua s’më rruhet për asnjë anë politike se unë gjithçka e kam bërë me forcën time”, tha Noizy.
