I ftuar mbrëmjen e djeshme në emisionin "Xing me Ermalin" ka qenë aktori shumë i njohur i humorit Xhevahir Zeneli, i cili ka rrëfyer shumë histori nga jeta e tij të cilat kanë shkrirë së qeshuri publikun.
Një ndër historit më komike ka qenë një ngjarje që daton që në vitin '91 ku në vendin tonë ka pasur probeme me furnizimin me ujë dhe të gjithë ngrisheshin që në 5 të mëngjesit për të mbushur ujë.
“Për faj të komshiut desh jam ndarë nga gruaja ime.Ne na vinte uji vetëm në 5 të mëngjesit dhe pastaj nuk vinte më. Komshiu sipër meje kishte blerë një pompë uji. Po ku dinim ne në ’91 ça ishte pompa. E montoi te pallati ai, vuri një çisterinë 3 mijë litra në tarracë dhe e thithte ujin.
Një ditë kishte takuar nusen time dhe i kishte treguar ajo që lodhej shumë me 2 fëmijë të vegjël. Komshiu i ofroi nuses time një marrëveshje. ’Në 3 të natës do lëshoj zorrën nga sipër dhe do mbushni edhe ju ujë por fshehurazi se po e kuptuan do kërkojnë të gjithë’.
Një muaj ne mbushnim ujë kështu, na vajti mirë kontrata. Një natë komshiu poshtë kishte dalë në ballkon pinte cigare dhe kishte dëgjuar muhabetin që bënte nusja ime me të zotin e pompës. Vjen në mëngjes komshiu dhe më thotë kam një muhabet serioz.
Ruaje nusen se ta dredh me komshiun e katit të tretë, më tha. ‘Mbrëmë në 3 e natës doli ai në ballkon dhe i thirri nuses tënde je gati? Gati jam i tha ajo. E do i tha ai lart. E dua dhe mezi po pres i tha nusja jote. 20 minuta ranë qetësi nuk u ndjenë fare.
Pas 20 minutash i tha ai: Të lutem do ta heq tani se mu nxeh shumë. Aman mos ma hiq i lutej nusja jote. Pasi kaluan 10 minuta i tha nusja jote: Hiqe tani se mbarova’. Po është zorrë e ujit o budalla i thashë unë”, tregoi Zeneli.
