Këngëtari Blero dhe e fejuara e tij Afrona janë padyshim një ndër çiftet më të komentuar në media. Jeta e tyre private përben gjithmonë një interes për publikun.
Shumë aktiv dhe të ndjekur në rrjetet sociale, çifti shpesh herë publikon foto dhe video nga përditshmëria e tyre. Mirëpo, dita e sotme është mjaft e veçantë për ata pasi festojnë përvjetorin e fejesës.
Ka qenë Afrona e para, që krahas urimit për Krishtlindjet bëri dhe një dedikim emocionues për Bleron. Më pas këngëtari duke shpërndarë një foto me partneren i ka thënë asaj disa fjalë zemre.
"Edhe një tjetër vit i mrekullueshëm i fejesës tonë. Gëzuar përvjetorin dhe akoma më shumë kohë të lumtura bashkë. Të dua."- shkruan ajo.
"Falenderoj Zotin për jetën që do të ndajmë dhe më shumë se për gjithçka, që do ta ndaj me ty. Gëzuar përvjetorin."- ka shkruar Blero në profilin e tij në Instagram, ku ka publikuar një foto të Afronës.
