"Psikopatja jote" ka qenë një nga këngët më të komentuara së fundmi në media, jo vetëm për interpretimin e Fifit dhe Mc Kreshës, por edhe për paraqitjen e reperit të njohur, i cili kishte zgjedhur që gjatë performancës së tyre të mbante një çantë shpine.
Ditën e djeshme në ‘E diela shqiptare’, dy aktorët e njohur të humorit Bes Kallaku dhe Olsi Bylyku e kanë kthyer performancën e dyshes në një parodi. Olsi doli në skenë teksa imitonte dhe këndonte si Kresha, ndërkohë që në shpin mbante dy çanta. Në këtë moment Besi, i cili bënte rolin e Fifit filloi të nxirrte ushqime nga çanta e Olsit dhe më pas filloi ti hante.
Ndërkohë këngëtarja Fifi ka mbetur pa fjalë nga performanca e dy aktorëve, të cilët kanë shkaktuar shumë të qeshura tek artistët dhe publiku.
