Siç dihet Londra është një nga destinacionet më të preferuar për shqiptarët dhe të shumtë janë ata që dëshirojnë që të vazhdojnë jetesë e tyre atje përgjithmonë.
Së fundmi për të gjithë ata emigrant që kanë vendosur që këtë vit të zhvendosen në Londër, Britania e Madhe ka dhënë një lajm mjaft të mirë.
Siç është raportuar Londra njoftoi se çdo qytetar me shtetësi nga ndonjë vend i Bashkimit Europian, i cili mbërrin në Britani para se zyrtarisht ishulli të dalë nga BE, në mars të 2019-ës, do të gëzojë të drejtën për të jetuar në mënyrë të përhershme në Britani.
Ky vendim ka ardhur direkt pasi kryeministrja e vendit është akuzuar për “kapitullim total” që pas largimit të Britanisë nga BE.
Tashmë kanë rënë dakord që 3.2 milionë shtetasit e BE-së që jetojnë aktualisht në Britani do të mund të jetojnë për tërë jetën e tyre në ishull. Këtu përfshihen dhe të gjithë ata shqiptarët të cilët kanë shkuar në Britani me një pasaportë greke ose italiane.
Ndërkohë e vetmja gjë që ata duhet të bëjnë është të vërtetojnë se kanë jetuar ligjërisht prej pesë vjetësh do të marrin statusin e rezidentit duke pasur akses të plotë në shkollat angleze, spitalet, sistemin e pensioneve dhe përfitimet sociale që merr çdo britanik.
