Renato Mekolli që pas fillimit të spektaklit "Hell’s Kitchen" është kthyer në një nga personazhet më të komentuara në media. Ai ka tërhequr shumë vëmendjen me sjelljen e tij agresive dhe presionin e vazhdueshëm që bën tek konkurrentët.
Ditën e sotme, Renato ka qenë i ftuar në emisionin "Ftesë në 5", ku përveç librit të tij të ri '50 shijet e pastas’ , ka folur pak dhe për sjelljen e tij në program. Siç ka rrëfyer dhe vetë shefi i njohur, nervat i ka trashëguar pak nga Greqia ku dhe ka punuar prej vitesh.
“Je kaq i vogël, i imët dhe elegant dhe them nga del gjithë ai zë?” – e pyet moderatorja e “Ftesë në 5”
“Nga nervi moj, që nuk marr kile” – u përgjigj Renato Mekolli.
“Nga e ke trashëguar gjithë këtë nerv, shqiptar është apo është grek ?” –e pyet Bieta.
“Po grek duhet të jetë. Pastaj edhe ne jemi shumë keq, nervat e shqipëtarëve janë o Zot na ruaj” – tha duke qeshur shefi i kuzhinës Renato Mekolli.
