Pak ditë më parë në të gjitha mediat bëri bujë lajmi se këngëtarja me origjinë shqiptare, Rita Ora dhe reperi me famë botërore, Chris Brown janë në një lidhje. Dyshja u kap në Milano nën shoqërinë e njëri-tjetrit dhe më pas u përfol nga mediat e huaja se e kishin kaluar natën bashkë në një hotel.
Mirëpo lidhur me këto lajme vetë këngëtarja dhe reperi deri më sot nuk kishin reaguar, duke i lënë fansat dhe mediat të bëhen kurioze. Por pak më parë, Rita nëpërmjet një postimi në Instastory ka treguar se lidhja mes saj dhe Chris nuk është e vërtetë.
Ajo ka publikuar një video ku ka etiketuar të dashurin e saj Andrew Watt, dhe duke treguar në këtë mënyrë se vazhdon e lumtur romancën me muzikantin e njohur.
