Netët live të festivalit të këngës europiane ‘Eurovizion’ po afrojnë dhe të gjitha shtetet kanë filluar promovimin e këngës përfaqësuese në shtetet e ndryshme të Evropës.
Si gjithë shtetet e tjera edhe këngëtari përfaqësues i Shqipërisë, Eugent Bushpepa, ka filluar turin e tij. Performanca e tij e parë në Amsterdam elektrizoi skenën dhe u prit shumë mirë nga publiku i cili e duartrokiti dhe brohoriti.
Mirëpo jo vetëm publikut i pëlqeu mënyra sesi Eugenti e prezantoi këngën, pasi edhe prestigjiozja britanike ‘Metro’ ka mbetur me një shije të mirë nga kënga ‘Mall’.
Ata në një shkrim e kanë cilësuar Shqipërinë si një ndër perforancat më të mira duke e renditur pranë Finlandën, Australinë, Spanjën, e Mbretërisë së Bashkuar.
Ata kanë shkruar se: “Surpriza e natës ishte Shqipëria” dhe se performanca e Eugent Bushpepës me këngën ‘Mall’ shkoi shumë mirë dhe u prit shumë mirë nga publiku i Amsterdamit. Ishte një nga këngët e para që duhej të zgjidhej,”- ka përfunduar Metro.
