Ditën e djeshme dhunimi i gazetarit të njohur shqiptar nga disa persona të paidentifikuar, bëri bujë në të gjitha mediat. Bëhet fjalë për Ismet Drishtin, i cili është edhe administrator i televizionit Zjarr Tv.
Ai ditën e djeshme u sulmua nga disa persona të maskuar të cilët e dhunuan barbarisht duke e dëmtuar gazetarin në kokë.
Ditën e sotme janë bërë publike disa pamje nga moment i sulmit. Këto video janë regjistruar nga ana e kamerave të sigurimit dhe sot janë bërë publike për të gjithë.
Ndërkohë ende po punohet për gjetjen e personave të maskuar, si dhe kujtojmë që pak muaj më parë ambientet e televizionit 'Zjarr' u sulmuan dhe u plaçkitën gjatë natës.
