Kanë qenë të shumta rastet kur fansat e çmendur të personazheve publik qofshin ata këngëtar, politikan ose moderator kanë treguar dashurinë e madhe që kanë ndaj idhujve të tyre duke bërë veprime ekstreme për ta.
Shumë prej tyre kanë bërë tatuazh fytyrën e personazhit të preferuar të tjerë kanë gdhendur emrat e tyre etj, dedikime këto që kanë lënë pa fjalë jo vetëm VIP-at por edhe publikun.
Së fundmi ka qenë Enca ajo që është lumturuar nga veprimi që njëri prej fansave të saj ka bërë dhe e ka shpërndarë atë në adresën e saj. Në postim shihet që njëri prej tyre ka realizuar portretin e këngëtares në kokën e tij.
“Sa lezetshëm Encatics” shkruan Enca në postimin e saj duke treguar se ka fansa të vërtet.
Ndërkohë pritet që këngëtarja shumë shpejt të publikojë këngën e saj ‘Dua’ që me shumë siguri do të kthehet në një hit.
