Dy moderatoret e njohura Marina dhe Luana Vjollca pasi mbyllën me sukses këtë sezon televiziv njëra me emisionin ‘Shiko kush luan’ dhe tjetra me ‘C’est la vie’, ditën e djeshme bënë me dije se kishin nisur pushimet dimërore në një vend të mbushur me dëborë. Ditën e sotme dy motrat zbuluan dhe vendodhjen e tyre, por jo vetëm atë, por edhe se me kë shoqëroheshin.
Pas fotove të shumta që ato postuan me njëra-tjetrën, Marina pak moment më parë zbuloi nëpërmjet një fotoje se ato ndodhen në Saint Moritz në Zvicër dhe nën shoqërinë e reperit të njohur Getoar Selimi.
Moderatorja ka postuar një foto ku në një palë syze dallohet ajo dhe Getoari.
Ndërkohë ende nuk dihet nëse Krenar Çoçaj i dashuri i Luanës i ka shoqëruar ata në këtë udhëtim.
