Elvana Gjata padyshim është një nga këngëtaret më të njohura dhe më të suksesshme në Shqipëri, e cila prej kohësh është larguar nga Shqipëria për të vazhduar karrierën e saj muzikore në SHBA. Ajo aty ka publikuar edhe këngën e saj të parë në tregun ndërkombëtar të quajtur ‘Forever is over’ që ishte një bashkëpunim me Dj e njohur David Guetta.
Pavarësisht suksesit që kënga pati ajo nuk u ndal dhe ka lajmëruar se shumë shpejt do të sjelli dhe projekte të tjera. Por edhe pse sukseset për të nuk kanë fund dhe së shpejti do bëhet e njohur në të gjithë botën, Elvana kurrë nuk e harron publikun që e bëri atë artisten që është sot.
Sipas ‘Gazetës Express’ këngëtarja pritet që së shpejti të organizojë një koncert për fansat shqiptar, i cili do të mbahet në 3 shkurt, datë e cila përkon edhe me ditëlindjen e saj.
