Siç është lajmëruar në datën 31 janar të gjithë do i kenë sytë nga qielli pasi do të ndodhi eklipsi i parë hënor pas kaq shumë vitesh. Për më tepër në këtë datë do të ndodh një fenomen i rrallë astrologjik që quhet ‘Super Hëna Blu’ ku hëna do të jetë më e madhe se zakonisht dhe do të mund të shihet me sy të lirë. Sipas astrologëve ky fenomen do të ndikojë edhe tek disa shenja të horoskopit dhe do ti sjell atyre shumë ndryshime si në jetë dhe në profesion, këto shenja janë Ujori, Demi,Luani dhe Akrepi.
Ujori
Mund të filloni të ndjeni ndryshime në shumë aspekte të jetës suaj. Për një kohë të gjatë, ju keni ndjerë se shumë marrëdhënie në jetën tuaj kanë qenë të njëanshme dhe më shumë sesa po merrni, po jepni. Ky eklips total i hënës do të jetë një kohë qartësie për ju në lidhje me renditjen e prioriteteve tuaja dhe rivlerësimin e shumë prej marrëdhënieve. Ju mund ta përdorni këtë kohë për të reflektuar se çfarë duhet lënë pas dhe në çfarë sferash duhet vërtetë të kontribuoni.
Demi
Çdo gjë në jetën tuaj duket se është kthyer mbrapsht ! Prej disa kohësh jeni të pakënaqur me rrjedhën që ka marrë jeta juaj , keni humbur interesin për shumë gjëra dhe nuk i shijoni këto të fundit si dikur. Mund të filloni të ndjeni një ndryshim rrënjësor në mënyrën si i mendoni jetën dhe ky është ndryshimi rrënjësor për të cilin keni pasur aq shumë nevojë.
Luani
Ky eklips total i hënës do të jetë fenomeni astrologjik për të cilin keni pasur më shumë nevojë, por nuk e keni ditur ! Ajo që duhet të bëni është të përqendroheni tek nevojat dhe dëshirat tuaja për t’u liruar një herë e mirë nga pengesat që keni hasur deri tani. Dhe pse shquheni si një shenjë egoiste, nuk është e vërtetë! Shpesh herë vendosni të tjerët para vetes, por këtë periudhë duhet të jeni ju qendra e botës suaj. Kjo do të jetë një kohë reflektimi për të kuptuar se sa vlerë ka kujdesi për nevojat vetjake emocionale e jo vetëm.
Akrepi
Ky eklips hënor do t’ju japë forcën për të shpalosur cilësitë tuaja të fshehta të lidershipit. Jeni në një periudhë të artë përsa i përket fushës profesionale dhe të gjitha energjitë tuaja duhet të përqendrohen në këtë drejtim. Mund të ngriheni në detyrë, të ndërmerrni një nismë për të cilën keni shumë kohë që prisni ose të hapni një biznes privat. /Burimi: Living.al
