Publikohet video si Shakira keqtrajtohej nga vjehrra,

Në rrjetet sociale është bërë virale një video e vjetër në të cilën shihet nëna e Pique, Monserrat Bernabeu duke bërë një gjest jo të hijshëm ndaj Shakirës, veprim i cili ka ngjallur reagime të ashpra.

Në video shihet se të dyja po flisnin pranë Piques dhe në një moment të bisedës, ish-vjehrra i shtrëngon Shakirës faqen e majtë dhe më pas i bën me shenjë që të heshtë.

Reagimi i Shakirës nuk mund të shihet pasi ajo ishte kthyer me shpinë nga kamera që regjistroi ngjarjen, por nuk dukej si një bisedë miqësore, pasi vjehrra e saj bën gjeste me duar dhe fytyra dukej shumë serioze. Ndërkohë, Pique as nuk i kushton rëndësi asaj që po ndodh. Kujtojmë se Shakira vendosi një manekin të një shtrige të zezë në tarracën e shtëpisë së saj në Barcelonë, e cila shikon drejtpërdrejt nga shtëpia e ish-vjehërrve të saj, një situatë që e ka shqetësuar shumë Montserrat Bernabeun.