Ashtu si në shumë vende të BE-së edhe Shqipëria vitet e fundit ka shënuar një rekord të madh divorcesh. Edhe pse vite më parë kjo temë nuk ka qenë shumë e diskutuar dhe shumë çifte nuk preferonin të divorcoheshin për shkak të opinionit shoqëror, ditët e sotme shumë persona e shohin si diçka normale.
Sipas Monitor, këto 25 vite të fundit numri i çifteve shqiptar që kanë zgjedhur divorcin si një alternativ është rritur ndjeshëm. Të dhënat e INSTAT, tregojnë se në vitet 1990-të kishte 9 divorce për 100 martesa, ndërsa në 2016-ën, 24.7 divorce për 100 martesa.
Sipas këtyre të dhënave duket qartë që divorcet në vendit tonë po rriten dita ditës, dhe rritjen më të madhe ato e kanë shënuar në vitet 2014-2016 ku ndarjet arritën 17.8,21 dhe 24.7 ndarje për 100 martesa.
Por pavarësisht se në vendet e rajonit Shqipëria mbanë rekordin e lartë, në krahasim me vendet e tjera të BE-se prapë vazhdon të mbesë në nivele të ulëta.
