Messi ka ndarë një video në Instagram ku ka mbledhur disa nga momentet e tij ndër vite, që nga koha kur luante në skuadrën Grandoli e deri tek fitorja e Kupës së Botës. Messi shkruan se e ka pasur gjithmonë ëndrrën të ishte kampion bote dhe nuk ndaloi kurrë, edhe pas zhgënjimeve që janë pjesë e suksesit.
"Nga Grandoli në Kupën e Botës në Katar, kaluan gati 30 vjet. Ishin afër tre dekada në të cilat topi më dha shumë gëzime dhe gjithashtu pak trishtim. Gjithmonë kam pasur ëndrrën për të qenë kampion bote dhe nuk doja të ndaloja së provuari, edhe duke e ditur se mund të mos ndodhte kurrë.
Kjo Kupë që fituam është edhe për të gjithë ata që nuk e arritën në Botërorët e mëparshëm që luajtëm, si në vitin 2014 në Brazil, ku të gjithë e merituan për shkak se si luftuan deri në finale, punuan shumë dhe e deshën aq sa unë... Dhe e merituam edhe në atë fund të mallkuar.
Është gjithashtu për Diegon që na inkurajoi nga parajsa. Dhe për të gjithë ata që e kanë financuar gjithmonë Kombëtaren pa parë aq shumë rezultatin, por dëshirën që kemi vënë gjithmonë në të, edhe kur gjërat nuk shkonin ashtu siç donim.
Dhe sigurisht, për këtë grup të bukur që u formua dhe nga stafi stërvitor dhe të gjithë njerëzit e kombëtares që duke qenë anonimë, punojnë ditë e natë për ta bërë më të lehtë për ne.
Shumë herë dështimi është pjesë e rrugëtimit dhe e të mësuarit, dhe pa zhgënjim është e pamundur që të vijë suksesi.
Faleminderit shumë nga zemra! Jepi Argjentina!!!", shkruan Messi.
View this post on Instagram
