Fituesja e vitit të kaluar të "Festivalit të Këngës", Ronela Hajati ka reaguar ashpër përmes një statusi në Instastory pasi nuk është ftuar këtë vit në festival për të performuar.
Anabel.al kontaktoi me organizatorët e Fest 61 në RTSH dhe sipas tyre mungoi një performancë nga këngëtarja sepse e tillë ishte formula e këtij edicioni.
"Formula e rikëndimit të këngës fituese një vit pasi është shpallur është një traditë shumë jetëshkurtër, thuajse inekzistente, krahasuar me historinë e Festivalit, tashmë 61-vjeçar. Duke qenë se qëllimi këtë vit ka qenë t'i jepnim fokus artistëve pjesëmarrës dhe këngëve që prezantohen për herë të parë, nuk ka asnjë të ftuar nga muzika në dy netët e para të Festivalit. Zbatimi i kësaj formule nuk ka lidhje me respektin, vlerësimin dhe dashurinë për gjithçka ka bërë Ronela ne skenën e FIK dhe Eurosong. Ronela është ftuar të japë çmimin e publikut që këtë vit çon Shqipërinë në Eurosong, por e ka refuzuar ftesën", u shprehën burime për Anabel.al.
