Një nga lojtarët e kombëtares shqiptare më të pëlqyer nga gjinia femërore është edhe Armando Sadiku, i cili shpesh herë ka qenë pjesë e lajmeve rozë për shkak të lidhjeve të tij të ndryshme me femra të njohura të showbizzit.
Por mesa duket kemi një lajm të keq për fanset e tij, pasi Sadiku i ka dhënë fund beqarisë dhe nuk është fejuar me asnjë vajzë të famshme, por as më pak e as më shumë se me fansen e tij.
Sipas ‘infoelbasan.al’, vajza quhet Elona, është në profesionin dentist dhe jeton në Gjermani. Njohja mes tyre ka nisur nga Facebook ku Elona si tifoze e flaktë e Sadikut i ka shkruar atij shpeshherë derisa kanë nisur të komunikojnë.
Këtë lajm e ka konfirmuar edhe babai i tij, i cili u shpreh se fejesa ndodhi në 30 dhjetor dhe ishte një fejesë private mes familjes së çiftit.
