Së shpejti pritet të fillojë "Big Brother VIP Kosova" me moderatorë Alaudin Hamitin dhe Jonida Vokshin. Në një lidhje Skype për "Abc-ja e mëngjesit", Alaudini tregoi se atij i ishte bërë oferta për të prezantuar i vetëm, mirëpo ai së bashku me pronarët e televizionit vendosën që të zgjidhnin edhe Jonidën.
Moderatori shtoi se duhej dhe një figurë nga Shqipëria për të tërhequr audiencën dhe se Jonida është moderatore shumë e mirë.
“Në fakt e kemi pasur këtë opsion që të jem vetëm, por rrugës e kemi menduar bashkë me pronarët që të kemi edhe dikë nga Shqipëria. Pasi Klan Kosova është futur edhe në Shqipëri dhe për të tërhequr audiencën. Jonida është një prezantuese shumë e mirë sepse kemi udhëhequr edhe Çmimet Oscar me të”, u shpreh ai.
