Karim Benzema zakonisht nuk i pëlqen të tregojë jetën e tij private. Ndryshe nga futbollistët e tjerë, sulmuesi i Real Madridit, i kurorëzuar si lojtari më i mirë në botë me Topin e Artë të fundit, është diskret në lidhje me marrëdhëniet e tij dhe llogaria e tij në Instagram është e kufizuar në anën e tij profesionale. Deri më tani ai ishte i njohur për vetëm dy lidhje me dy femra që i kanë shënuar jetën, por në skenë ka dalë një e tretë. Futbollisti është shoqëruar nga ajo në ceremoninë e ndarjes së çmimit për trofeun e çmuar.
Kjo është modelja amerikano-veriore, Jordan Ozuna, 32 vjeç, me të cilin Benzema e bëri publike lidhjen e tij këtë verë. Fotot e publikuara në Instagram konfirmuan thashethemet që kishin lidhur sulmuesin me modelen që nga korriku, kur u publikuan disa foto ku Ozuna shfaqej në bordin e një jahti me futbollistin.
Deri më tani dy femra kishin shënuar jetën sentimentale të Benzemës, pavarësisht se ai ka pasur një listë të gjatë lidhjesh. E para, Chloé De Launay, nëna e vajzës së tij të madhe, Mélia, e cila lindi në shkurt 2014, dhe e dyta, Cora Gauthier, një modele franceze me bazë në Londër, me të cilën erdhi në jetë djali Ibrahim, në 2017.
Benzema dhe Gauthier ruajnë një marrëdhënie të mirë, siç është konfirmuar edhe në Paris, pasi ajo ishte një tjetër nga të ftuarit në gala të mbajtur në kryeqytetin francez, së bashku me Ibrahimin e vogël.
Si Gauthier ashtu edhe Jordan (që dhe ngjajnë shumë) kanë dashur të tregojnë krenarinë e tyre për suksesin e lojtarit përmes rrjeteve sociale.
