Një incident i vogël ka ndodhur në Instagramin e këngëtares së njohur Beatrix Ramosaj e cila ditët e fundit ndodhet në një udhëtim në Romë, por ajo pa dashje ka harruar hapur adresën e saj të Instagramit në ipad in e shtëpisë.
Këtë gjë e ka zbuluar i vëllai Alban Ramosaj, i cili nuk ka ngurruar dhe ka filluar të ngacmoi motrën e tij duke postuar video të ndryshme në adresën e saj. Ai ka postuar disa video në adresën e Trixës teksa i thotë asaj se tashmë i di të gjitha sekretet që ajo fsheh.
“Kështu është kur lenë adresën hapur në ipad” është shprehur këngëtari duke qeshur.
Më vonë ai tregon edhe një video të këngëtares e cila i thotë që ta mbylli adresën urgjentisht.
Ky veprim i Albanit ka shkaktuar shumë të qeshura tek ndjekësit, pasi është një gjë që çdo vëlla do e bënte nëse do gjente adresën e motrës hapur.
