Policia ka vënë në pranga dy persona të cilët akuzohen për vjedhje nafte në Fier. Bëhet fjalë për shtetasit A. K., 49 vjeç dhe B. C., 36 vjeç, me detyra respektive kontrollor dhe vrojtues në një kompani nafte.
Njoftimi i policisë:
Vihen në pranga 2 shtetas, procedohen në gjendje të lirë 3 të tjerë për vepra të ndryshme penale.
Specialistët e Seksionit për Hetimin e Krimeve Ekonomiko-Financiare të DVP Fier arrestuan në flagrancë, për veprën penale “Vjedhja duke shpërdoruar detyrën”, kryer në bashkëpunim, shtetasit:
-A. K., 49 vjeç dhe B. C., 36 vjeç, të dy banues në Shijak, Durrës, me detyra respektive kontrollor dhe vrojtues në një kompani nafte, pasi dyshohet se gjatë natës, kanë vjedhur duke shpërdoruar detyrën, një sasi nafte që shërbente për makineritë e kompanisë.
