Një 26-vjeçare, Francesca Testana ka vdekur papritur teksa ishte në një klub nate. Ngjarja ka ndodhur në Itali dhe mediat italiane bëjnë me dije se ekipet e emergjencës kanë ndërhyrë menjëherë, por 26-vjeçarja nuk ka arritur të shpëtojë.
E reja vdiq rreth orës 1:30 të mëngjesit teksa ndodhej në klubin e natës El Paso me një grup miqsh dhe motrën e saj.
Motra e të resë ka shkruar një postim në Facebook kundër atyre që bëjnë supozime.
“Vdiq një nënë 26 vjeçare, kaq duhet të thuash. Motra ime nuk ishte e droguar as e dehur, u sëmur. Në një lokal. Sepse po, edhe nënat mund të dalin, kërkoj heshtje dhe respekt për familjen time e cila tani është e shkatërruar.”
“Ndodhi shumë shpejt, ajo ra në tokë ndërsa ishte duke kërcyer”, thanë dëshmitarët. “Stafi ndërhyri menjëherë, por nuk kishte asgjë për të bërë.”
26-vjeçarja ishte nënë e dy fëmijëve, një djalë dhe një vajzë.
Policia ka nisur hetimet për rastin.
