Kanë kaluar shumë vite që nga pjesëmarrja e saj në ‘Big Brother’ por me shumë siguri publiku e mban mend vajzën kaçurreles me emrin Bertina Mehmeti, e cila ka qenë konkurrente në edicionin e tretë të këtij reality show, ku dhe u përfol për lidhjen me konkurrentin tjetër Erionin. Menjëherë pas daljes nga shtëpia më e famshme, ajo dhe i dashuri i saj Erioni i cili ishte dhe një ndër finalistët, vazhduan dhe për ca kohë lidhjen e tyre duke shijuar dhe famën që fituan nga ai emision.
Pas ndarjes nga Erioni i cili ka qenë prezantues dhe në disa emisione në televizionet shqiptar, Bertina u përfol për një lidhje me këshilltarin e Presidentit kosovar Bexhet Pacollin. Djaloshi Esad Pushkar i cili është me origjinë nga Bosnja dhe Bertina e vazhduan lidhjen e tyre për disa kohë por më pas ata u ndanë duke vazhduar secili punën e vetë.
Por çfarë bënë pas kaq vitesh bukuroshja kaçurreles nga Delvina, që tërhoqi vëmendjen e të gjithëve?
Ajo prej disa vitesh është vendosur në Dubai ku u transferua me punë dhe edhe pse u mendua për një kohë të shkurtër, Bertina ende po vazhdon jetën e saj luksoze atje, duke lënë pas jetën e mëparshme në Shqipëri.
Ajo poston shpesh herë foto nga ky vend duke filluar që nga ambienti punës e deri tek shëtitjet dhe pushimet luksoze që të gjithë do i kishin zili. Nga fotot e shumta ajo duket që po e shijon shumë qëndrimin e saj atje dhe s’ka ndër mend të kthehet më në Shqipëri.
