Një grua është arrestuar në Tiranë pasi ka mashtruar disa persona duke ju vjedhur sende të ndryshme dhe lekë.
Ajo është një shtetase rome me iniciale L.G dhe u arrestua nga policia pasi një vajzë 23 vjeçare e ka akuzuar se i ka vjedhur një shumë të konsiderueshme si dhe disa sende me vlerë.
Mesa bëhet e ditur ky nuk ishte rasti i parë pasi kjo grua i ka bërë të njëjtën gjë edhe një burri nga Ysberishti. Sipas burimeve ajo shkonte si fallxhore në shtëpitë e njerëzve dhe i mashtronte.
Duke u parë filxhanin e kafesë në shtëpitë e tyre, gruaja i ka mashtruar dy të dëmtuarit, duke u marrë varëset, unazat dhe byzylykët e floririt.
Sipas ‘Panorama’ ajo trokiste derë më derë duke thënë se shihte fall dhe pasi ata e fusnin në shtëpi binin pre e mashtrimit të saj duke i dhënë sendet me vlerë.
