Një aktore 21 vjeçare ka humbur jetën pasi iu nënshtrua një operacioni për heqjen e dhjamit. Aktorja Chethana Raj nga India u shtrua të hënën për një operacion për heqjen e yndyrës në një spital privat të kirurgjisë plastike në Bengaluru, Karnataka, raportuan mediat lokale.
Thuhet se aktorja ka pasur komplikacione pasi lëngu filloi të grumbullohej në mushkëri. Më vonë ajo vdiq nga një atak në zemër.
Mjekët thuhet se u përpoqën ta rikthejnë atë përmes ringjalljes kardiopulmonare për 45 minuta, por dështuan.
Chethana është shfaqur në serialet e njohura televizive indiane Geetha, Doresaani dhe Olavina Nildana. Ajo gjithashtu luajti në filmin Canada Havayaami.
