Shumë e kanë pëlqyer performancën e Ronelës në Eurovision e të tjerë e kanë cilësuar si jo të denjë dhe madje disa e quajtën dhe 'turp'. Këtyre kritikave, këngëtarja ka vendosur t’ju përgjigjet me suksesin që po korr jashtë Eurovisionit.
Ajo ka ironizuar ata që e kanë gjykuar për tekstin e këngës dhe performancën duke postuar një foto që tregon suksesin e "Sekret" në vende të ndryshme.
“Nuk është gjë kënga”, i ka shkruajtur Dj Eri Dee, ndërsa artistja i është përgjigjur: “Na turpërove”.
Ronela ka treguar dhe se kënga ka arritur në 2 milion shikime. "Kurrë skam marrë kaq shumë dashuri nga njerëz që nuk flasin shqip", shkruan ajo.
