Nga Shqipëria / E Diel 8 Maj 2022, 00:12

E reja padit gjinekologun e nënës së saj pas 21 vitesh që e kishte lindur

Evie Toombes ka lindur në vitin 2001 dhe pas lindjes u diagnostikua me spina bifida ose çarje kurrizore. Për shkak të kësaj, Eva duhej të rritej dhe të bënte një jetë ndryshe nga bashkëmoshatarët e saj, të lidhej me tubat që e mbajnë gjallë 24 orë në ditë.

Sipas “Mirror”, derisa Eva ishte ende në barkun e nënës së saj, shtylla kurrizore nuk u zhvillua dhe siç pretendon 21-vjeçarja fajin për këtë e ka mjeku i nënës së saj, doktor Philip Mitchell.

Doktori Mitchell nuk e ka këshilluar nënën e saj që para shtatzënisë të marrë suplemente që do ta parandalonin këtë gjendje. Por nëse ai do t’i kishte thënë në kohë nënës së saj rreziku që foshnja të lindte me këtë sëmundje do të ishte zvogëluar.

Si rezultat, Eva tani po kërkon dëmshpërblim miliona dollarësh, pasi i duhen miliona për të mbajtur veten gjallë.

Mjeku mohon përgjegjësinë dhe pretendon se i ka dhënë “këshilla të arsyeshme” nënës së saj.