Në puntatën e sotme të “Përputhen” Astriti u përpoq të rregullonte marrëdhënien me Rrushen, duke i bërë një surprizë të veçantë. Ai i dhuroi një këpucë, të cilën e quajti “këpuca e Hirushes”.
Mirëpo, Rrushja e refuzoi dhuratën duke i thënë se ndihet ende e zhgënjyer nga konkurrenti. “Nuk kemi ardhur deri te pika e këpucës, se princesha një herë duhet të të dojë ty, princin, dhe anasjelltas, por princesha nuk është duke e ndjerë këtë gjë. Këpucën nuk mundem ta pranoj se nuk besoj. Më jep kohë dhe mua. Koha bën të veten por tani nuk besoj. Princesha është e zhgënjyer”, i tha ajo.
Ndërkohë Astriti u shpreh se do të jetë deri në fund të programit vetëm për të dhe e ftoi në një kërcim, të cilin Rrushja e pranoi.
