Përgjatë këtyre ditëve në rrjet kanë qarkulluar lajme se Gjiko ka dalë para Gjykatës pasi akuzohet për marrëdhënie seksuale me një të mitur, të cilës i ka dhënë lëndë narkotike dhe e ka gënjyer që do ta ndihmonte në karrierë.
Madje së fundmi, kudo është përfolur se organet e drejtësisë së Kosovës posedojnë video, fotografi e materiale të tjera që vërtetojnë akuzat e lartpërmendura. Nisur nga kjo ka reaguar vetë Gjiko.
Ai ka publikuar në rrjete sociale një video ku i hedh poshtë të gjitha akuzat dhe paralajmëron se do të ngrejë padi për lajmet e pavërteta.
“Përshëndetje popull i dashur, nëpër gazeta po shkrujnë për mu që e paskan një video që unë e pasna dhunu dikan. Nëse e kanë atë video i them lirisht, të lutem publikojeni se edhe unë jam shumë kurioz për me e pa atë video. Ajo video nuk ekziston se nuk u bo kurrë, nuk ka ndodh kurrë se unë kurrë në jetë teme nuk e kam dhunu kërkën. Andaj qysh i kam bo paditë përpara kam me vazhdu me bo padi për krejt senet që i publikoni të pavërteta për mu. Kështu që ju vazhdoni me lajme unë vazhdoj me padia edhe e kqyrim në gjygj kush është tu rrejt e kush është tu e thonë të vërtetën. Kaq kisha, faleminderit shumë ditën e mirë vazhdoni javën, një Ramazan të këndshëm”, ka thënë reperi.
