Teksa ishte nisur drejt audicioneve për “Në Kurthin e Piter Pan”, Alketa Vejsiut i ka mbaruar karburanti i makinës. Me shumë sportivitet, Alketa e ka ndarë këtë moment me ndjekësit në Instagram.
“Kur të lë makina në autostradë se ke harruar t’i hedhësh naftë dhe shkon e merr naftën me bidon”, ka treguar ajo në videon e parë.
Në videon tjetër, ku është dikush që po e ndihmon, moderatorja ka vijuar duke treguar: “Më la makina në rrugë se kisha harruar t’i hidhja karburant. U nisa që ta furnizoja dhe ngela në mes të rrugës, më saktë në anën tjetër të autostradës. Karburantin e shoh por duhet të kapërcej autostradën. Jetë e komplikuar. Jeta është qejf. Po ky njeriu i mirë ma zgjidhi me bidon. 10 minuta vonesë në audicionet e Piterit”.
Më pas, e furnizuar, Alketa ka treguar se është nisur pa problem drejt destinacionit të saj.
