Aktori i njohur amerikan, Bruce Willis, 67 vjeç po tërhiqet nga aktrimi pas diagnostikimit me sëmundje serioze mendore.
“Për mbështetësit e mrekullueshëm të Bruce, si familje ne donim të ndajmë se Bruce ynë i dashur ka përjetuar disa probleme shëndetësore dhe së fundmi u diagnostikua me afazi, e cila po ndikon në aftësitë e tij njohëse”, ka njoftuar familja e tij.
Afazia është një sëmundje që ndodh pas një goditjeje cerebrale, ishemie në tru apo traume në kokë, dhe shuan aftësinë e njeriut për të komunikuar. Specialistët thonë se afazia dëmton aftësitë e subjektit për të folur, shkruar dhe kuptuar gjuhën, si atë verbale dhe të shkruar.
“Ne po e kalojmë këtë të bashkuar si familje dhe donim që edhe ta dinin edhe fansat, aq të rëndësishëm për të”, thuhej më tej në njoftim.
Postimi ishte nënshkruar nga bashkëshortja aktuale e Willis, Emma Heming Willis, si dhe ish-bashkëshortja Demi Moore, dhe fëmijët që ka me të.
