Ka ndërruar jetë këngëtari i njohur shqiptar, Luan Hajra, raporton Klankosova.tv. Lajmin e kanë bërë të ditur familjarët e tij me një njoftim në rrjete sociale.
“Të dashur miq dhe shoqëri dhe ju gjithë artdashës, ju njoftoj qe sot në orët e mëngjesit ndërroj jetë këngëtari i njohur i gjitha Viseve Shqiptare, Luan Hajra”, thuhet në njoftim.
Luan Hajra u lind më 31 korrik të vitit 1949 në qytetin e Mitrovicës.
Hajra njihet për interpretimin e këngës së njohur “Rroka mandolinën”, e cila vazhdon të dëgjohet e këndohet edhe sot.
Disa nga këngët e tjera të Luan Hajrës janë:
“Kallma cigaren”
“A s’ma falë”
“Je e bukur”
“Tuj shetit”
“Jasemin moj të vjen era”
“Qaj gitara ime” etj.
