Ai na bëri të gjithëve krenarë më ngritjen e dronit me banerin Auitochtonus në stadiumin e Serbisë, por Ballist Morina qëndron ende i burgosur për afro tre muajsh në qelin e Dubrovnikut në Kroaci.
Ndërkohë që është në pritje të lajmeve mbi çështjen e tij, ai ka mësuar se është bërë baba i një djali të cilin e kanë quajtur Flamur, në respekt të gjestit që babi i tij bëri në ndeshjen me Serbinë.
Ky është fëmija i tretë i Morinës dhe sipas familjarëve gëzon shëndet të plotë.
Edhe pse ai nuk mund ta shikoj djalin e tij të porsalindur, Ballist Morina është në pritje të rishqyrtimit të çështjes së tij pas refuzimit për t’u ekstraduar në shtetin fqinj.
