Hueyda EL Sayed ka dy vjet që është bërë nënë dhe në të gjitha postimet që kemi parë në
Instagram, duket që ajo ka një marrëdhënie shumë speciale me të birin Gabriel.
Ditën e sotme Hueyda ka qenë e ftuar në emisionin “Rudina”, ku dhe ka treguar se i biri është një person shumë i veçantë për të dhe se asnjëherë nuk i ndahet atij.
Ajo gjithashtu është shprehur se tani që djali i saj ka filluar të shkojë në kopësht, dallon shumë nga fëmijët e tjerë dhe kjo për faktin se është shumë i sjellshëm dhe i edukuar.
“Përpiqem të mos i them 'jo mos e bëj këtë', por i shpjegoj arsyen se përse nuk duhet ta bëjë. Krenaria ime më e madhe është se tani Gabrieli në kopsht është ndër të paktët që thotë 'Faleminderit', 'Të lutem' apo 'mund ta marr këtë', ka treguar Hueyda.
Pa modesti Hueyda, ka pranuar se ajo është një ndër arsyet se përse Gabrieli është një djalë i tillë, pasi falë punës dhe përkushtimit të saj ai ka arritur të krijojë një personalitet mjaft të mirë për moshën që ka.
