Një trajner futbolli shqiptar ka marrë një mesazh nga policia për shkeljen e ligjeve të hixhabit në Iran, pasi u kap nga një kamera trafiku teksa ishte në një makinë.
Arifi është i mirënjohur në Iran, pjesërisht për futbollin, pjesërisht për modën dhe paraqitjet në filma televizivë dhe kinema. Ai ishte duke hipur në makinën e një miku të tij në Teheran kur telefoni i shokut bie dhe në të vjen një mesazh.
“Mesazhi në fillim na tronditi sepse isha ngatërruar me një grua që shkel hixhabin e saj,” tha Arifi për News Sports.
“Mendoj se ishte kamera e trafikut që ma mori imazhin. Shoku im u befasua në fillim, por më pas ne qeshëm shumë…Më vonë, shumë miq të tjerë telefonuan e dërguan mesazhe për të bërë shaka për këtë incident. Unë kam jetuar në Iran për shumë vite duke u dukur njësoj dhe kurrë nuk kam pasur ndonjë problem. Mendoj se ishte një keqkuptim dhe asgjë nuk mund të bëhet për këtë", tha ai.
Policia iraniane është përgjegjëse për kodin e veshjes dhe ndalojnë shkelësit dhe i urdhërojnë të rregullojnë hixhabin apo edhe t’i arrestojnë. Gratë që shkelin ligjet e hixhabit ndërsa janë në makinë mund të përballen me gjobë, pikë dënimi në patentën e tyre dhe një maksimum prej dy muajsh burg.
Shpejtim Arifi, shqiptar i Kosovës me nënshtetësi gjermane, drejton ekipin e juniorëve të Persepolis. Ai ishte një golashënues i transferuar te Persepolis për 850,000 dollarë në 2009 pasi iu bashkua Payam vitin e kaluar.
