Filmin që theu rekorde në shitje biletash, "I love Tropoja", mund ta ndiqni sot në ekranin e televizorit tuaj. "I love Tropoja" do të transmetohet premierë mbrëmjen e sotme ora 20:00 në TV Klan.
"I love Tropoja", është një film me produksion të Ermal Mamaqit, skenar të Klaudia Brahimajt, Ermal Mamaqit e Besnik Mustafait.
Filmi korri një sukses të jashtëzakonshëm gjatë vitit 2020.
"I love Tropoja" tregon historinë e një djali me ambicie të mëdha për jetën, që shpreson që së shpejti do të vendoset në pozicionin që meriton në kompaninë ku ai punon. Por çuditërisht ndodh e kundërta. Djali e gjen veten aty ku nuk e kishte menduar kurrë, në një qytet verior, në Tropojë ku duket se shpresa ka vdekur bashkë me botën në mendjen e tij.
