Shumë emocione kanë përjetuar banorët këtë të shtunë dhe një ndër banoret që mori surprizë ishte dhe Monika. Monika tregoi se ky ishte viti i ri i parë që festoi pa nënën e saj dhe e përlotur tha se është bërë merak për të.
"Unë jetoj vetëm me mamanë time, është personi që dëgjon hallet e mia. Është viti i ri i parë që e kaloj larg saj, kam 3 muaj pa e parë, më ka marrë malli shumë. Dje ka qenë shumë e vështirë sepse ajo është vetëm. Kam merak për të", tha Monika.
Arbana e siguroi se e ëma është mirë pasi ka shkuar ta vizitojë vetë për t'i çuar gjelin.
"Të dua pafund, ti je mbretëresha e jetës sime", i tha Monika të ëmës, e cila i kishte dërguar edhe një letër që e motivoi akoma më shumë.
"Kur të dal jashtë mureve të kësaj shtëpie, dije që ti je motra ime", i tha Monika Arbanës.
