Kryeministri Edi Rama ka reaguar mbi vrasjen e 8-vjeçarit Mateo nga Klodian Çalamanin. Ai ka shprehur ngushëllimet e tij për familjarët e vogëlushit.
Po ashtu, Rama ka deklaruar se autori duhet të dënohet me masën më ekstreme.
"Asgjë nuk e bën më të lehtë peshën e kësaj humbje në mendjen dhe zemrën e nënës, babait, familjes, por sidoqoftë pritet me padurim nga të gjithë është verdikti më ekstrem i drejtësisë mbi barbarin i cili falë reagimit të menjëhershëm dhe identifikimit dhe kapjes së shpejtë nga Policia e Shtetit gjendet sot prapa hekurave.
Kjo është një nga ato ngjarje që të lënë pa fjalë dhe duke shqyrtuar imësisht gjatë mbrëmjes së djeshme të gjithë rrjedhën e ngjarjes si dhe profilin e autorit, mbetet shija e tmerrshme e asaj që ka ndodhur dhe siç e thashë domosdoshmëria për të reaguar menjëherë në nivelin e drejtësisë dhe për të vënë pikën e drejtësisë në këtë episod kaq tronditës.
Ju shpreh ngushëllimet prindërve, familjes, të afërmve. Drejtësia duhet të jetë domosdoshmërisht e shpejtë dhe domosdoshmërisht në lartësinë e nevojës së të gjithë opinionit publik për një reagim me vendim më ekstrem të parashikuar nga ligji", është shprehur kryeministri.
