Paris Hilton i ka dhënë fund beqarisë duke u martuar me sipërmarrësin multi-milioner Carter Reum. Çifti është martuar në një ceremoni luksoze të organizuar në pronën e gjyshit të saj të ndjerë në Bel-Air, ndërsa në ceremoni ishin të ftuar Emma Roberts, Ashley Benson dhe Bebe Rexha.
40-vjeçarja konfirmoi lajmin duke publikuar në Instagram disa fotografi para ceremonisë, ku shfaqej me fustanin e saj të nusërisë të punuar nga “Oscar de la Renta”.
"Përgjithmonë për mua nis tani” dhe hashtag "e sapomartuar".
Ceremonia, e cila do të jetë një event që do të zgjasë tre netë, filloi me një pritje në pronën në Bel-Air. Do të pasohet me një festë karnavalesh të premten në Santa Monica dhe një mbrëmje zyrtare të shtunën.
Pamjet e dasmës së saj përrallore do të jenë pjesë e dokumentarit me 13 episode, “Peacock series Paris In Love”.
Hilton u fejua me Reum në muajin shkurt të këtij viti, kur ai i bëri një propozim romantik në një ishull privat, i rrethuar nga familjarët e tyre.
