Hyseni bëri një gjest shumë human ndaj Nikut gjatë një puntate të “Për’puthen”, duke i dhuruar atij një makinë. Hyseni vendosi t'ja dhurojë makinën kur dëgjoi historinë e trishtë të jetës së Nikut, i cili për shkak të një aksidenti ka humbur njërën këmbë.
Mirëpo së fundmi po përflitet se në fakt kjo makinë dikur ishte e ish-të dashurës së tij, konkurrentes së “Për’puthen”, Alvisës.
Në rrjetin social “TikTok” qarkulluan disa imazhe ku shihet se makinën e kuqe me të njëjtën targë e ka përdorur më herët Alvisa në kohën kur ishin çift.
Hyseni reagoi sot për herë të parë duke mohuar çdo aludim. “Jo nuk është e vërtetë. Ajo ka qenë makina ime dhe Alvisa thjesht e ka përdorur disa herë”, shkroi ai në Instagram.
