Ai ka marrë shumë vëmendjen që në nisje të “Për’puthen” dhe është tashmë një nga më të pëlqyerit brenda dhe jashtë programit. Po flasim për Eduard Kuçin, djaloshi kosovar, i rritur në Zvicër, i cili e ka provuar famën edhe më parë.
Në vitin 2019 ai ka qenë pjesë e labelit të njohur “On Records” ku nisi një karrierë muzikore. Pjesë e këtij label-i dikur kanë qenë edhe emra të njohur të muzikës tanimë, si Kida, Mozzik, Getinjo, Fero, etj.
Në një intervistë për “SevenBizz”, Eduardi fliste më shumë për veten dhe për planet e tij, por nuk dihet se çfarë ka ndodhur që nuk e vazhdoi karrierën në rep.
Mbase pas famës së “Për’puthen”, Eduardi do t’i rikthehet sërish këngës.
