Një plagosje me armë zjarri ka ndodhur pas mesnatës në Tiranë, ku kanë mbetur të plagosur dy të rinj, 19 dhe 20 vjeç.
Ngjarja ka ndodhur tek “Mbikalimi i Qafë-Kasharit”.
Policia ka ngritur pika kontrolli në të gjitha hyrje-dalje të Tiranës dhe vijon kontrolli i zonës me qëllim identifikimin dhe kapjen e autorit/ve.
Tiranë/Informacion paraprak
Rreth orës 00:05, tek “Mbikalimi i Qafë-Kasharit”, në rrethana ende të paqarta dyshohet se janë plagosur me armë zjarri shtetasit E. S., 20 vjeç dhe N. M., 19 vjeç, të cilët ndodhen në spital, nën kujdesin e mjekëve.
Janë ngritur pika kontrolli në të gjitha hyrje-dalje të Tiranës dhe vijon kontrolli i zonës me qëllim identifikimin dhe kapjen e autorit/ve.
Grupi hetimor po punon për sqarimin e plotë e rrethanave të ngjarjes.
