Grupi i parë me afganë ka mbërritur në Shqipëri në orën 03:15. 121 afganë janë pritur në qendrën e pritjes së përkohshme, ngritur në zonën ushtarake.
Kjo qendër është inspektuar nga Ministrja Xhaçka dhe nga ambasadorja e SHBA-së në Tiranë. 121 afganët kanë qëndruar fillimisht në tendat e posaçme pranë aeroportit ushtarak, ku kanë marrë dhe ndihmë mjekësore.
Në videon e publikuar nga kryeministri Rama shihet se në vend kanë mbërritur shumë gra dhe fëmijë afganë, por edhe burra.
“Çdo grua, burrë, fëmijë që shikoni sot këtu, është një jetë e shpëtuar nga tmerri i vendit ku jetojnë”, është shprehur ministrja Olta Xhaçka.
