Erjona Rusi është intervistuar nga kolegu i saj, Flori Gjini në emisionin “Pushime On Top”. Moderatorja tha se intervista më e rëndësishme dhe ajo që ka shijuar më shumë ka qenë me Zoran Zaev, ndërsa ajo më e dobëta me ish-konkurrenten e “Për’puthen”, Jasminën. Gjatë intervistës Erjona ka zbuluar se ndryshe nga ç’do dëshironin shumica e gazetarëve shqiptarë, ajo nuk do donte t’a intervistonte kurrë Kryeministrin Edi Rama.
Pjesë nga intervista:
Flori Gjini: Intervista më e mirë që ke marrë ndonjëherë?
Erjona Rusi: E kam shijuar, sepse ishte shumë e rëndësishme, Zoran Zaev. Ka qenë madje intervista e parë e plotë për një media shqiptare, që ja kam marrë unë. Dhe ishte e para ku ai lëshoi ‘bombat’ e famshme të përgjimeve. Ishte e jashtëzakonshme.
Flori Gjini: Intervista më e dobët?
Erjona Rusi: Me një nga vajzat e Për’puthen, Jasmina.
Flori Gjini: Intervista që nuk do të doje të bëjë asnjëherë?
Erjona Rusi: Nuk jam shumë e bindur, por mbase Edi Ramën. Nuk do doja ta intervistoja.
